碟頭之寶 ~ 沙爹雞柳

這陣子真的好忙好忙好忙........

忙什麼﹖

公事...........永遠都有新嘢忙﹗

私事...........為九月中舉家出遊美加港探親團作籌備。

教會事.......永遠都有未完成的工作﹗

家事...........成屋家務週而復始，無開始亦無終結﹗

諸事...........幾忙都好，都要同朋友Tea 吓傾吓聯誼吓﹗

情事..........同老夫子拍吓拖飲咖啡，同個仔放學 Tea吓係 Must，無得Say no。

炊事..........唯有將就吓，簡單啲﹗包包和蛋糕已有好一段時間絕跡廚房，看來要等

                  十月中旅行之後才可以「爐火重燃」﹗

雖說要簡單，但總不能馬虎了事。至少要食材的配搭要均衡，畢竟也是個專業的「家政人」哦﹗

碟頭飯便成為了我的救星，再加一個湯，便是很不錯的一頓飯﹗

其中沙爹雞柳是我家的至愛，食譜來自俊少學校Canteen。每次Canteen推出這款飯盒，不消10分鐘便全部售罄；後來因為有新生對花生產品敏感，才改售甜酸雞柳飯。

不過我已將所有「秘笈」緊記，再以自家的「差不多」風格，將其重新演繹，成為我家「點擊率」最高的碟頭餸之一。

由於用作碟頭飯，所以醬汁較多；如果當作小菜，醬汁減半並收乾身一點。

材料如下﹕雞肉（片）、洋蔥（切塊）、三色椒、菠蘿塊 、沙爹醬、檸檬汁           

做法非常非常簡單﹕

1. 先加油爆香洋蔥塊。

2. 再加入已醃的雞肉略炒。

3. 倒入沙爹醬，加水（1:1），加入半個檸檬汁（我今次屋企無檸檬，所以無加）。

4.  冚蓋較火煮至醬汁起細泡，再加入三色椒。

5. 試味，上碟前再加菠蘿或提子乾；也可以配青瓜片。

這道菜其實沒有特別「秘技」，靈魂在於沙爹醬；我曾試過其他牌子，但總覺口味不對﹗另外竅門在於調味，檸檬汁不要一次過加，否則會太酸。