果然夠薑

本地薑是否夠辣﹖這個我不大清楚﹗

我只知道本地薑夠「貴」﹗仲要係好貴﹗

有幾貴﹖以下貨幣以澳元計算。

1公斤老薑，動輒16元以上，最高20元，即係港紙150個大洋﹗

子薑平啲，都要8 至9元。有時好彩特價5元1公斤，師奶們會大手入貨﹗我也不例外﹗

最要命的是薑是煮中菜不可或缺的其中一種香料，我曾試過用薑粉，但總覺不是那回事，完全沒有那種辛香味﹗

唯有「慳」啲用，有時將磨完薑汁的薑渣用來滾湯或蒸魚，原來都得喎﹗

另外仲有一得著，就係要「慳」就要切薄啲幼啲，而家已經鍛鍊到刀法如神喇﹗

所以世事無絕對，不如自己搵樂趣啦﹗

朋友高叔叔仲叻，佢直頭自己種，都唔錯架﹗可以慳番好多，仲有可以「益」吓我添﹗

  左面係買番嚟嘅本地薑，右面係高府嘅私房薑﹗只是體型有別，味道卻分別不大﹗