加料碗仔翅

中學時代Lunch Time除了帶飯壺之外，更喜歡與同學們「掃街」；即是街頭小食當午餐。

魚蛋豬皮

、「嗱喳」麵、碗仔翅、雞蛋仔、夾餅、炸豬大腸、魚肉湯等等......

大都只是一個幾亳，卻可大快朵頤﹗

幾十年後的今日，好想回味昔日的情懷﹗

適逢下午兒童部主日學老師會議，就做個碗仔翅，給大家來個驚喜吧﹗這小食已被大家列為「國寶」級，每次出場，總會立即被「搶」個清光﹗

由於老媽子自家煮食時多採老莊之「無為」之治，所以份量和材料可増可減，唯一是關鍵地方才嚴控比例。

材料﹕雞肉、瘦肉、木耳、冬菇、江瑤柱、粉絲、雞蛋、馬蹄粉、清雞湯

調味﹕鹽、雞粉、老抽、麻油

做法﹕

1. 先將冬菇、木耳浸軟，切絲待用。

2.粉絲浸軟，切或剪碎。

3. 用大概 2公升水燒滾，放入江瑤柱、雞肉和瘦肉煲至出味或肉質變「稔」。

4.將肉及瑤柱撈起，上湯留用。用叉把肉拆絲，瑤柱壓碎備用。

5.將清雞湯（我今次用了3 公升）倒入上湯內，加入冬菇絲及木耳絲。

6. 煮大概10分鐘，加入肉絲，試味，必要時以鹽和少許雞粉調味，以老抽調色。

7. 加入粉絲，煮滾後熄火。蛋打散並以攪拌漩渦方法加入，使成蛋花。

8.馬蹄粉（半包）以一飯碗水調勻至沒有粉粒，開火以中慢火分次加入馬蹄粉漿。

注意要不斷攪拌以免結塊及燒焦。因馬蹄粉要受熱透才變糊，所以此步驟不能心 急，第一次可加一半，待熱透後觀察濃稠程度，再小量加入。

最理想是看似稍稠便熄火，因餘溫會繼續燜煮，況且馬蹄少降溫後會凝固。

最後拌入數滴麻油，吃的時候加胡椒粉、浙醋及麻油。

賣相同口感都好似架﹗

係啲肉絲粗咗啲啲啫﹗