環保魚翅 --- 魚翅瓜

中國人一直視魚翅為珍品，而翅的級別亦與身份或地位掛勾。看來鯊魚也從沒想過背上這片鰭會招來殺生之禍﹗

小時候只有飲宴時才有機會食翅，但嚐到的其實是上湯的味道，心目中的魚翅與粉絲根本沒有兩樣。還是最愛街邊的碗仔翅，加點麻油、胡椒粉、浙醋...香味四溢，所費無幾，便可大快朵頤，樂哉﹗

移民之後根本沒有可能吃魚翅，因為澳洲入境條例極嚴，所有植物、種子、奶類、肉類，或受動物保護條例保障的食品或物品，一概不准入口。違者重罰﹗

其實不一定要吃魚翅，魚翅瓜也不錯﹗只是口感較爽，味道較清淡而矣﹗

現在是魚翅瓜當造，古人有云﹕不時不食。意指當造的產物會更美味，而且因為量多，價格錢會較平宜。而且時令蔬果質素會較有保證，不一定是貴價的好；非當造的一般產量少，因而價格高，而且味道會稍遜。

魚翅瓜可以用來煲老火湯、滾湯、炒、炆，可以代替粉絲。煮之前要先開邊烚熟，用叉將核去掉，再把瓜肉刮出來，便變成了一絲絲的植物翅。

今次我用來煮雜錦煱，因為....可以盡用一切剩餘物資，今趟的材料是﹕包三文治用剩的一片火腿和紅蘿蔔絲、半個西蘭花，再加幾隻蝦米或蝦乾，一罐史雲生清雞湯，半個魚翅瓜。

做法好簡單，先將西蘭花汆水，魚翅瓜拆絲，然後將蝦米/乾放入雞湯內滾出味，然後加入其他材料，再滾起，食得﹗

快﹗靚﹗正﹗

其實材料方面可以好有彈性，加蝦、魚片、墨魚片、豆腐等，便變成海鮮豆腐煲。加肥牛肉、菠菜，加小小沙茶醬變成沙茶肥牛煲。

                                                     呢個就係魚翅瓜，綠得好靚﹗

先切開一半烚熟

再用叉把核去掉，然後將瓜肉刮出來，自然變成一絲絲。

咪當我係粉絲﹗我係魚翅.....瓜嚟架﹗

同場加影﹕魚翅瓜煲清補涼老火湯