有時若有朋友到訪，要臨時加餸，豆腐便成了「急救品」。
平素我最喜歡吃清蒸豆腐，尤其用日本鰹魚絲作配搭，完全符合老媽子的原則﹕
快﹗靚﹗正﹗
無需任何技巧，只需把豆腐用水略沖洗，撒小撮鹽巴，大火蒸 8 至10分鐘（視乎豆腐大小），熄火加蔥花，加蓋半分鐘左右（以減低蔥的辛青味），再撒上獨立包裝的鰹魚碎，淋上蒸魚豉油或生抽，加數滴麻油，香味四溢。鰹魚碎因為遇熱，還在豆腐上翩翩起舞哩﹗朋友的小孩子們最愛這道菜，他們替這道菜起名為「跳舞豆腐」﹗
這包鰹魚碎是年頭去東京旅行時買的，我就愛它的獨立包裝，一次一包。
相信香港的超市都有。
話咁快就食得喇﹗啲鰹魚碎仲跳緊舞架﹗
哦~原來平時係d食物上面識郁果d就係鰹魚碎黎架?!
回覆刪除我都食吾少..!!但都吾知佢叫咩名?!
哇...今次真係令我大開眼界呀^^
又學識左一樣食物喇~哈^^
等我今晚問下媽咪...睇下佢識吾識先?!呵呵xd
其實點解鰹魚碎會係d食物上郁動既?~
初初我見果陣...都有d驚架...
因為覺得好怪咁...點解會識郁?!
但食落口又吾錯~好似係鹹鹹地架...(係咪呀?..<")
但我就覺得吾好味....係咪用黎調味的?!
而且個質感吾係太好~
賣相又怪怪地咁....(上次呀妹仲驚到喊!!呵呵xd)
因為好似一條條蟲係上面行!!..
哈哈^^其實點解佢識郁?!可以話比我聽嗎?!^^
我今晚亦做了一個豆腐菜式 (鍋塌豆腐)，與你分享一下﹗ 材料﹕煎炸豆腐一盒 、任個2種菇菌 (今晚我用了草菇 + 金菇)、雞蛋兩隻、清雞湯一杯 煮法﹕ 將豆腐切成小塊，洒上半茶匙鹽，煮前將水倒去。 豆腐沾上生粉，再沾上蛋液。燒熱平底鑊，下兩湯匙油，將豆腐煎至稍硬身，移出待用。 再燒熱鑊，下一湯匙油，用薑蓉、蒜蓉起鑊，加入已處理好的菇菌，加入半茶匙白醋 (以防菇菌變色)，灒酒，倒入一杯清雞湯，煮滾後，加入豆腐及調味料 (蠔油/鹽/糖/胡椒粉)，加蓋煮2-3分鐘。最後以生粉水埋獻，淋上麻油 +蔥花，食得吐﹗ 雖然係第一次煮，但家中各人都讚味道不錯，最重要豆腐同菇菌是柏遙的至愛，今晚他胃口奇佳﹗
回覆刪除